a7la7ob4ever

[center]تقاليع

[/center]
إن كيدهن عظيم حكاية قديمة سمعتها زمان .. معرفش إية إلي فكرني بيها لكن حبيت أحكيهالكم عشان تعرفوا إن كيدهن عظيم !
كان فيه ست عجوز قعدة لوحدها في البيت وطلع لها إبليس علشان يتحداها ويثبت لها إن كيدهن مش عظيم ولا حاجة فقالت له أنا أتحداك أنك تقدر تعمل مشاكل وتحلها زي ما الستات تقدر تعمل ! وتراهنا علي أن العجوز تعمل مشكلة مع أي حد أو توقع بين اثنين وإبليس يصالحهم ولو مقدرش يبقى هو الخسران ..
وراحت الست العجوز لقهوة بلدي مليانة شباب عوطلية وإختارت أحدهم وقالت له : ليك عندي شغلانة حتاخذ فيا قرشين كويسييييين إيه رأيك ؟ فوافق الشاب بدون نقاش أخذتة وراحت لمحل أقمشة وطلبت من الشاب أن يقف أمام المحل ودخلت لصاحب المحل وإختارت نوع قماش غالي جدا وبعدما جهزة لها الرجل قالت له لكن أنا مش معايا ثمنه .. الراجل قال إلي معهوش ما يلزمهوش لكن الست مصرة تاخد نوع القماش الغالي لدرجة إنها بكت لصاحب المحل وأخبرته ان إبنها بيحب وحدة متجوزة ومستنيها تطلق من جوزها عشان يتجوزها وقال لي لو عارضت جوازي هطردك من البيت اللى أنا كتبته بإسمه للأسف المهم الرجل تأثر جدا وأعطاها القماش ببلاش وطلعت العجوز مبصوطة وراحت علي بيت تاجر القماش وخبطت الباب وقالت لمراتة ممكن يا بنتي أرتاح عندك شوية فرحبت زوجة التاجر وضايفتها وشكرتها العجوز وراحت لحالها ولكنها تعمدت أن تترك قطعة القماش وإكتشفت الزوجة ذلك بعد أن انصرفت العجوز وقالت : أكيد حتيجي تسأل .
المهم أن التاجر رجع البيت واتغدى وشاف قطعة القماش فعرف أن زوجتة تخونة مع إبن العجوز وطرد زوجتة في الحال ورمى لها هدومها في الشارع وفي نفس اللحظة العجوز كانت واقفة في الشارع وراحت تقول لها : مالك يا بنتي فقالت الزوجة : جوزي طردني فأخذتها العجوز إلي بيتها وقالت لها : إنتظري أنا ها حل لكي المشكلة وطلبت من الشاب أن يظل في المنزل ولا يخرج حتى تعود وخرجت علي قسم الشرطة وعملت بلاغ أن واحد ومراته اتهجموا عليها وسكنوا في بيتها وطردوها وتم القبض علي الشاب والزوجة واترموا في الحجز ..
العجوز قالت لإبليس هاتقدر تحل المشكله دي؟! إبليس تنح وقال لها لأ طبعا قالت لها : أنا بقى أقدر أحلها فتحداها مرة ثانية ورجعت لقسم الشرطة وغطت وشها طلبت زيارة الزوجة وقابلتها وقالت لها : يا بنتي إنتي دخلتي السجن بدون سبب خدي عبايتي و البسيها وغطي وشك واخرجي وسبيني أنا مكانك وأنا حتصرف ..
الزوجة رفضت لكن مع الحاح العجوز وافقت وبالفعل خرجت من القسم وفضلت العجوز لغايت ما تتعرض علي النيابة .. وأول ما راحت لوكيل النيابة قالت له أنا مش عرفا ليه قبضوا عليا أنا كنت في بيتي مع إبن أختي وجروني علي القسم , وكيل النيابة أفرج عنها بعد أن وبخ الضابط علي تصره الخاطئ طلعت مبصوطه وقبضت الشاب فلوسه على وظيفة هوه مش فاهمها لكنه كان مبسوط-وده المهم- وراحت العجوز بيت التاجر وقالت له أنها بعدما مشيت من عنده تعبت شوية ودخلت إرتاحت عند زوجتة واكرمتها ونسيت قطعة القماش وأن زوجته بريئة وقالت خد قماشك لأن ولدي سافر هوه وزوجنه . رجع التاجراتأسف لمراته ورجعها البيت .. ورجعت العجوز لإبليس قالت له هاااا إيه رأيك؟!!!
فضرب إبليس كف علي كف وقال : فعلا إن كيدهن عظيم , وصدق من قال عن الشياطين تلاميذ في مدارس النساء .